Bobotie met pynappelblatjang en gemengdevrugtekonfyt
Bobotie is Sondagmiddagkos, of wat jy maak as daar skielik agt mense kom eet. Die blatjang bring die soet en die suur, en die gemengdevrugtekonfyt staan in vir die appelkooskonfyt wat jy gewoonlik sou gebruik. Dit gaan goed met geelrys en ’n tamatie-en-uiesambal.
- Porsies
- 6
- Voorberei
- 25 min
- Kook
- 50 min
- Altesaam
- 1 uur 15 min
Bestanddele
Merk af wat jy reeds het.
- 2 el sonneblomolie
- 2 uie, fyngekap
- 2 knoffelhuisies, fyngekap
- 750 g beesmaalvleis
- 1 el matige kerriepoeier
- 1 tl borrie
- 125 ml Klein Oes Pynappel Blatjang
- 3 el Klein Oes Gemengde Vrugte Konfyt
- 2 snye witbrood, sonder kors
- 375 ml melk (125 ml om die brood in te week, 250 ml vir die bolaag)
- 50 g rosyne
- 1 tl sout, plus ’n knippie vir die bolaag
- 2 eiers
- 3 lourierblare
Metode
-
Verhit die oond tot 180 °C. Smeer ’n oondbak van ongeveer 20 x 30 cm met olie.
-
Gooi 125 ml van die melk oor die brood en los dit om te week.
-
Braai die uie in die olie tot dit sag is. Sit die knoffel, kerriepoeier en borrie by en roer 1 minuut.
-
Voeg die maalvleis by en braai tot dit bruin is en die klonte uitmekaar is, so 10 minute.
-
Druk die brood droog en stamp dit fyn in die vleis. Roer die blatjang, konfyt, rosyne en 1 tl sout in.
-
Druk die vleis plat in die oondbak en steek die lourierblare bo-in.
-
Klits die eiers met die oorblywende 250 ml melk en ’n knippie sout. Gooi dit oor die vleis.
-
Bak 35 tot 40 minute tot die bolaag stewig en goudbruin is. Los dit 10 minute voor jy sny.
Produkte in hierdie resep
Nog resepte
-
Aandete
Tamatiebredie met tamatie-en-gemmerkonfyt
Altesaam: 2 uur 40 min 6 porsies Met Klein Oes se Tamatie & Gemmer Konfyt -
Aandete
Frikkadelle in geroosterde tamatie-en-knoffelsous
Altesaam: 1 uur 6 porsies Met Klein Oes se Uie marmelade, Geroosterde Tamatie & Knoffel Sous -
Aandete
Kerriehoenderpastei met pynappelblatjang
Altesaam: 1 uur 20 min 6 porsies Met Klein Oes se Pynappel Blatjang, Piekel Uie





