Spring na inhoud

Resepte Gebak

Frambooskonfytkoekies

Hierdie koekies is vir ’n Sondagmiddag met koffie, of vir die koekieblik wat leeg geraak het. Die deeg is eenvoudig en die konfyt doen die res. Een pot is genoeg vir ’n hele paar plate vol.

Lewer
24 koekies
Voorberei
25 min
Kook
14 min
Altesaam
39 min

Bestanddele

Merk af wat jy reeds het.

  • 125 g botter, sag
  • 100 g strooisuiker
  • 1 ekstra-groot eier
  • 1 tl vanielje-essens
  • 250 g koekmeel
  • 1 tl bakpoeier
  • 1 knippie sout
  • 100 ml Klein Oes Framboos Konfyt

Metode

  1. Verhit die oond tot 180 °C. Lyn twee bakplate met bakpapier.

  2. Klop die botter en suiker saam tot dit lig en romerig is. Klop die eier en vanielje in.

  3. Sif die meel, bakpoeier en sout oor die botter. Meng eers met ’n houtlepel en dan met jou hande tot ’n sagte deeg wat nie meer aan die bak vassit nie. As dit krummelrig bly, werk ’n paar druppels koue water in.

  4. Rol bolletjies van sowat 20 g en pak hulle 4 cm uitmekaar op die plate.

  5. Druk met jou duim ’n holte in elke bolletjie. Roer die konfyt los en skep ’n knap teelepel in elke holte.

  6. Bak 12 tot 14 minute, tot die rande ligbruin is. Laat die koekies 5 minute op die plaat staan voor jy hulle oplig.

Produkte in hierdie resep

Nog resepte

Alle resepte

Die tafel

Sien die hele rak